KH “Vëllaznimi” shënon fitoren e tretë radhazi në Superligën e Kosovës në hendboll

KH “Vëllaznimi” ka regjistruar fitoren e pestë këtë edicion dhe të trretën rresht në Superligën e Kosovës në hendboll (konkurrenca e meshkujve), pasi ka mposhtur Prishtinën me rezultatin 51:40.

Ndeshja, e cila ishte e fundit e xhiros së tetë, u zhvillua të dielën në palestrën “Shani Nushi” në Gjakovë.

Në aspektin individual, te skuadra vendase u dalluan Mali Luzha dhe Matheus Henrique, të cilët shënuan nga 10 gola secili.

Te skuadra e Prishtinës u dallua Enis Kuleta me 15 gola, i ndjekur nga Altin Cacaj me 10 sosh.

Pas kësaj xhiroje, Vëllaznimi renditet në vendin e tretë me 10 pikë nga shtatë ndeshje të zhvilluara, ndërsa Prishtina mbetet e parafundit (6) në tabelë me dy pikë nga gjashtë ndeshje. /tvsyrivision/

Read Previous

Astrit Haraqia mohon përfshirjen në rastin e kokainës – bashkëpunoi me hetuesit, ua dorëzoi fjalëkalimet e telefonave dhe në shtëpi nuk iu gjet asgjë e dyshimtë

Read Next

Operacioni i koduar “Heshtja”, reagon ministri Xhelal Sveçla