Fondi Monetar Ndërkombëtar (FMN) ka paralajmëruar se ekonomia globale po përballet me rreziqe në rritje, përfshirë tensionet gjeopolitike, çmimet e larta të energjisë dhe borxhin publik, të cilat mund ta ngadalësojnë rritjen ekonomike.
Sipas raportimeve të mediave ndërkombëtare, përfshirë Reuters, FMN-ja vlerëson se ekonomia botërore po tregon qëndrueshmëri, por hapësira për t’u përballur me goditje të reja po ngushtohet.
Pasiguria e shkaktuar nga konfliktet ndërkombëtare dhe luhatjet në tregjet e energjisë mbetet një ndër faktorët kryesorë që rrezikojnë perspektivën ekonomike. Ndërkohë, niveli i lartë i borxhit publik kufizon mundësitë e shumë shteteve për të reaguar ndaj krizave të reja.
FMN-ja vlerëson se investimet në inteligjencën artificiale po ndihmojnë në mbështetjen e aktivitetit ekonomik, por paralajmëron se rreziqet mund të shtohen nëse pritjet për përfitimet nga kjo teknologji nuk përmbushen. /RTKLive
