Blerim Vela: Vendimi i Kushtetueses zgjidh situatën në afat të shkurtër
Ambasada e Britanisë së Madhe në Kosovë ka përkujtuar rreshterin e Policisë së Kosovës, Afrim Bunjaku, në trevjetorin e vrasjes së tij në sulmin e armatosur në Banjskë të Zveçanit.
Përmes një postimi në Facebook, ambasada ka nderuar guximin dhe profesionalizmin e Policisë së Kosovës në përballimin e sulmit dhe rikthimin e sigurisë.
“Tri vite nga sulmi tragjik në Banjskë, kujtojmë zyrtarin e Policisë së Kosovës Afrim Bunjaku, i cili humbi jetën në shërbim të vendit të tij. Ne e nderojmë guximin dhe profesionalizmin e treguar nga Policia e Kosovës për t’iu përgjigjur sulmit dhe rikthimit të sigurisë, si dhe përpjekjet e qëndrueshme të prokurorëve të Kosovës për të ndjekur drejtësinë”, thuhet në postim.
Ambasada britanike ka theksuar se përgjegjësia për sulmin mbetet thelbësore dhe ka bërë thirrje që autorët të përballen me drejtësinë.
“Përgjegjësia mbetet thelbësore. Përgjegjësit, përfshirë Milan Radoičić, ende nuk duhet të përballen me drejtësinë. Ne sërish u bëjmë thirrje autoriteteve serbe që të ndërmarrin hapat e nevojshëm për të siguruar që autorët të mbajnë përgjegjësi pa vonesa të mëtejshme”, ka deklaruar ambasada. /RTKlive
