Kaos në Varshavë: Një dre hyn në stacionin kryesor dhe ndalon qarkullimin e trenave

Një dre hyri në shinat e Stacionit Qendror të Varshavës, duke shkaktuar mjaft bujë.

Qarkullimi i trenave u desh të pezullohej. Ndërprerja zgjati disa dhjetëra minuta. Momenti kur ekipet e emergjencës e vunë kafshën në gjumë me qetësues dhe e transportuan atë në mënyrë të sigurt u filmua.

Prania e dreut në shina u raportua mbrëmjen e së dielës, më 13 shtator.

“Vëmendje pasagjerë: një mysafir i paftuar ndodhet në zonën e Stacionit Qendror të Varshavës,” thuhej në njoftim, ku shtohej se qarkullimi i trenave në platformat tre dhe katër ishte ndalur për shkak të pranisë së kafshës.

Në vendngjarje u dërguan ekipe të specializuara dhe ekspertë për të garantuar sigurinë e kafshës.

Pas pak kohësh, situata u vu nën kontroll. Dreu u largua në mënyrë të sigurt nga shinat dhe grafiku i trenave iu rikthye normalitetit.

Stafi hekurudhor e përshkroi situatën me një notë humori. “Pasagjerit të fshehtë” iu dha emri Emil. Ndërkohë, buja që ai shkaktoi u përshkrua me buzëqeshje, duke vënë në dukje se “vështirësitë zgjatën plot… elk-tetëdhjetë minuta” (një lojë fjalësh në anglisht që lidh fjalën elk — dre — me numrin tetëdhjetë).