Organizata e Veteranëve thërret konferencë për media

Organizata e Veteranëve të Luftës së Ushtrisë Çlirimtare të Kosovës ka thirrë për sot konferencë për media.

Në njoftimin e kësaj organizate bëhet e ditur se konferenca do të mbahet në zyret e OVL UÇK-së.

Ndërkaq, e njëjta pritet të fillojë në ora 14:00.

Organizata e Veteranëve të Luftës së UÇK-së ka paralajmëruar protestë në Tiranë, të premten në mbështetje të ish krerëve të UÇK-së që po mbahen në paraburgim në Hagë.

Që nga 5 nëntori i 2020-së, në qendrën e paraburgimit në Hagë ndodhen katër ish-krerë të UÇK-së – Hashim Thaçi, Kadri Veseli, Jakup Krasniqi dhe Rexhep Selimi – të akuzuar nga Dhomat e Specializuara për krime të pretenduara lufte dhe kundër njerëzimit./reporteri