Al Hilal, kampion aktual i Ligës Pro Saudite, ka intensifikuar interesimin e tyre për Johan Bakayoko-n, anësori i ri belg që po shkëlqen te PSV Eindhoven. Me largimin e afërt të Neymar-it në fund të kontratës së tij këtë verë, klubi saudit po kërkon një zëvendësues cilësor i cili mund të ruajë konkurrencën e tij si në turneun vendas ashtu edhe në garat ndërkombëtare.
Sipas raportimeve nga Spanja, përpara se të zyrtarizojë ofertën për belgun, bordi i Al-Hilal-it pret vendimin e lojtarit për gatishmërinë e tij për t’u transferuar në Arabinë Saudite.
Bakayoko, 21 vjeç, po kalon një moment të mrekullueshëm me PSV-në, duke grumbulluar gjashtë gola dhe tre asistime në 21 ndeshje këtë sezon.
Kjo paraqitje ka tërhequr vëmendjen jo vetëm të Al-Hilal-it, por edhe të klubeve të rëndësishme në Evropë si Liverpool, Arsenal dhe Newcastle, të cilët e shohin belgun si një opsion ideal për të forcuar skuadrat e tyre.
Interesi saudit nuk është i ri. Në verën e vitit 2024, Bakayoko kishte refuzuar tashmë mundësinë e nënshkrimit për Al-Hilal-in, duke zgjedhur të vazhdonte zhvillimin e tij në futbollin evropian.
Megjithatë, situata mund të ndryshojë këtë vit, në varësi të kushteve të ofruara dhe planeve të lojtarit për karrierën e tij.
Me një kontratë të vlefshme deri në vitin 2026, PSV Eindhoven-i është në një pozicion solid për të negociuar. Edhe pse asnjë propozim zyrtar nuk është paraqitur nga Al-Hilal-i, pritshmëritë janë të mëdha që një ofertë e majme do të finalizohet në ditët në vijim nëse Bakayoko tregon gatishmëri për t’u transferuar.
Nëse lëvizja materializohet, do të ishte një “grusht shteti” mediatik në tregun e transferimeve dhe një angazhim i fortë i futbollit saudit për të tërhequr talente të rinj që mund të bëjnë ndryshim në të ardhmen. /Albanianpost.com
