Talenti i jashtëzakonshëm i Barcelonës, Lamine Yamal është cilësuar si një tjetër Lionel Messi, dhe ish-lojtari i akademisë, Isaac Cuenca, thotë se këto “krahasime janë të drejta.”
Yamal bëri debutimin e tij me ekipin e parë të Barcelonës në moshën 15-vjeçare, duke thyer rekorde historike. Historia vazhdoi të shkruhej me klubin dhe kombëtaren, teksa ai fitoi Kampionatin Evropian me Spanjën një ditë pas ditëlindjes së tij të 17-të.
Krahasimet me legjendën e Blaugranës dhe njëherazi ish-talentin e La Masia, Messi, janë të pashmangshme, me shumë që besojnë se Yamal po ndjek një rrugë të ngjashme karriere. Ndërkohë që vetë Yamal ka tentuar të largohet nga këto diskutime, ata që e kanë parë atë të luajë nuk ngurrojnë ta konsiderojnë si një prej talenteve më premtuese.
Cuenca, i cili tani është drejtori teknik i kampusit Aitana Bonmati te Barça, i tregoi Mundo Deportivo se si u përfshi në entuziazmin rreth Yamal: “Kam një anekdotë shumë interesante. Nëse dëshironi, mund ta ndaj me ju. Isha në shtëpi, dhe nipi im fliste vazhdimisht për Lamine Yamal sepse kishte dëgjuar për të në shkollë, e njëjta gjë edhe me vajzën time. Ende nuk e kisha parë të luante, dhe ndodh shpesh që njerëzit flasin për lojtarë të rinj që po dalin dhe bëjnë krahasime mes tyre, por nuk i kushtova shumë vëmendje. Ne të gjithë kemi qenë të krahasuar me yje të mëdhenj, dhe në fund, disa arrijnë më shumë se të tjerët.
“Në rastin e Lamine Yamal, fola me Xavi-n që të shkoja të shihja një seancë stërvitore të Barcelonës. Xavi më hapi dyert dhe shkova për ta parë. Thashë: ‘Mirë, kjo është diçka tjetër’. Krahasimet janë të drejta. Ai është një lojtar shumë i mirë me shumë potencial.” Në moshën 16-vjeçare, ajo që ai po bën, ajo që bëri në Euro me Spanjën, nuk ka shumë për të thënë. Tani i mbetet të shijojë, të vazhdojë të përparojë, dhe, mbi të gjitha, Barça duhet të kujdeset për të, ta mbajë atë, dhe do të shohim çfarë do të ndodhë pas disa vitesh.”
Yamal, i cili tashmë ka shënuar për Barçën këtë sezon, ka bërë deri tani 54 paraqitje për gjigantët e La Liga-s dhe 14 për Spanjën. Pritet që ai të ndjekë hapat e ndritur të Messit duke konkurruar për çmime të ardhshme si Golden Boy dhe Ballon d’Or. /Goal.com/
