Lista Serbe ka kritikuar ashpër presidenten Vjosa Osmani dhe kryeministrin Albin Kurti, të cilit u mësua që i kishin shkruar letër ankese organizatës prestigjioze Europa Nostra për t’i shpjeguar pse Manastiri i Deçanit nuk është në rrezik.
Europa Nostra ka vënë Manastirin e Deçanit mes 7 vendeve më të rrezikuara të kulturës në Evropë në një raport të tmerrshëm për Kosovën.
Lista Serbe pretendon se edhe vetë letra e dy pushtetarëve të Kosovës tregon për rrezikun që i kanoset trashëgimisë kulturore dhe fetare të serbëve të Kosovës.
“Reagimi i Albin Kurtit dhe Vjosa Osmanit për faktin se organizata “Europa Nostra” përfshiu Manastirin e Deçanit në listën e monumenteve më të rrezikuara të kulturës në Evropë është vetëm një konfirmim tjetër i rrezikimit të trashëgimisë kulturore dhe fetare serbe në Kosovë”. – shkruhet në letrën e tyre.
Përpjekja e Kurtit dhe Osmanit për të paraqitur vetë-shpalljen e Kosovës si një oazë të multikulturalizmit dhe multikonfesionalizmit pothuajse çdo ditë mohohet nga përdhosja e objekteve të kishës Ortodokse Serbe dhe varrezave Ortodokse në të gjithë Kosovën dhe të gjitha ato raste janë dokumentuar me kujdes dhe janë dëshmuar”.
“Mbyllja e syve për realitetin dhe mohimi i motivuar politikisht i situatës në terren, është një mesazh inkurajimi për ekstremistët për të vazhduar praktikën e sulmit të vendeve të shenjta serbe, duke mos zvogëluar kështu rrezikimin e tyre”.
