Milan dhe Monaco janë në fazën përfundimtare të negociatave për transferimin e mesfushorit Fofana, duke diskutuar në detaje strukturën e pagesës dhe bonuset. Të dy klubet, së bashku me ekipet e tyre ligjore, po punojnë për të përcaktuar këstet dhe shpërblimet përpara se të përfundojnë marrëveshjen.
Fofana ndodhet aktualisht në Principatë së bashku me agjentin e tij, në pritje të një telefonate që do të konfirmojë transferimin. Formula e ofruar për marrëveshjen përfshin një pagesë fillestare prej 20 milion eurosh, e ndjekur nga bonuse shtesë – 3 milion për arritje të lehta dhe 2 milion për arritje më të vështira. Ky skenar është i ngjashëm me marrëveshjen e Milanit për Chukwueze, ku disa bonuse nuk u arritën gjatë vitit të kaluar.
Kontrata që pritet t’i ofrohet Fofana do të jetë e vlefshme deri në vitin 2028, me një opsion rinovimi për një vit tjetër që Milani do ta ketë në dispozicion për ta aktivizuar. Ky opsion shtesë është një strategji e mirënjohur e klubit kuqezi, e cila synon të ruajë fleksibilitetin dhe të parandalojë largimet e papritura të lojtarëve kyç.
Milani është i interesuar të përfundojë këtë marrëveshje sa më shpejt të jetë e mundur, pasi besojnë se Fofana do të jetë një shtesë e rëndësishme për mesfushën e tyre në përpjekjen për të fituar tituj në sezonin e ardhshëm. Me kalimin e tij te Milani, Fofana pritet të marrë një rol kyç në skuadrën e Fonsecas, duke sjellë energji dhe kreativitet në fushën e lojës.
Ndërkohë, tifozët e Milanit presin me padurim zyrtarizimin e këtij transferimi, duke parë në Fofana një lojtar që mund të ndihmojë klubin të rikthehet në majat e futbollit italian dhe evropian. /tvsyrivision/
