Ministria e Shëndetësisë ka njoftuar se nesër (e enjte, 8 prill 2021) do të fillojë vaksinimi i qytetarëve të moshës mbi 85 vjeç, raporton Gazeta Express.
Vaksinimi i kësaj grup-moshe do të bëhet fillimisht në Prishtinë (Salla “1 Tetori”) dhe në komunat: Pejë, Gjakovë, Prizren, Ferizaj, Gjilan, Mitrovicë, Vushtrri dhe në të gjitha komunat e tjera ku ka filluar vaksinimi kundër COVID-19.
Sipas MSH’së, vaksinimi bëhet në Qendrën Kryesore të Mjekësisë Familjare (Njësia e vaksinimit) në komunat e lartpërmendura, me përjashtim të Prishtinës, ku vaksinimi bëhet në sallën “1Tetori”.
Ndërsa, për grup-moshën nga 80-84 vjeçe, vaksinimi do të nis me datën 11 prill 2021, në të njëjtat vende të vaksinimit dhe në të gjitha QKMF-të e komunave të tjera ku do të fillojë vaksinimi kundër COVID-19.
“Personat e këtyre grup-moshave, do të kontaktohen për vaksinim përmes telefonit, bazuar në të dhënat e plotësuara përmes aplikimit në ekosova.rks-gov.net, ku mundësia e aplikimit është ende e hapur”, thuhet nga MSH.
Ky është orari i vaksinimit kundër COVID-19:
| Grup-mosha | Data e vaksinimit | Vendi i vaksinimit |
| Mbi 85 vjeç | 8-9-10 prill 2021 | 1 “Tetori” (Prishtinë) dhe QKMF-të e komunave: Pejë, Gjakovë, Prizren, Ferizaj, Gjilan, Mitrovicë dhe Vushtrri dhe në komunat ku ka filluar vaksinimi kundër COVID-19 |
| Mbi 85 vjeç | 09-10 prill.2021 | Në të gjitha QKMF-të e komunave të tjera |
| 80-84 vjeç | 11-12-13 prill 2021 | “1 Tetori” (Prishtinë) dhe të gjitha QKMF-të në Kosovë |
