Kancelari gjerman Olaf Scholz, menjëherë pas pjesëmarrjes së tij në Samitin e Procesit të Berlinit në Tiranë, do të udhëtojë menjëherë për në Izrael, për të diskutuar nga afër me homologun e tij izraelit, Benjamin Netanyahu, situatën e fundit të krijuar nga lufta kundër Hamasit.
Kështu bëhet me dije nga Kancelaria gjermane, sa i takon agjendës së Scholz.
Liderë të ndryshëm ndërkombëtarë në fakt, kanë nisur të vizitojnë Izraelin, pas sulmit terrorist të Hamasit më 7 tetor, ku të vrarë mbetën mbi 1 mijë e 300 izraelitë.
Nga ana tjetër, nga kundërofensiva e Izraelit në Gaza, të paktën 2 mijë e 750 palestinezë kanë mbetur të vrarë, prej të cilëve 734 fëmijë.
Ndër liderët që kanë vizituar Izraelin, ka qenë edhe Presidentja e Komisionit Evropian, Ursula von der Leyen, e cila ka saktësuar dhe nevojën e dërgimit të ndihmave humanitare për palestinezët në Gaza.
Sekretari amerikan i Shtetit, Antony Blinken, e ka vizituar një herë Izraelin dhe do ta bëjë sërish të hënën e 16 tetorit.
Një vizitë e pritshme është edhe ajo e presidentit amerikan, Joe Biden, i cili mund të shkojë një Izrael këtë javë. /Albanianpost.com
