Një rekord prej gati 5,300 metrash u desh të arrihej që Shërbimi Meteorologjik Zviceran të matë shenjën zero gradë Celsius, raportoi MeteoSuisse, ndërsa një alarm për valë të nxehti u shpall në pjesën më të madhe të vendit.“Radiostacioni Payerne, në Zvicrën verilindore, natën e 21 gushtit 2023, mati një izotermi prej 0 gradë Celsius në një lartësi prej 5,298 metrash, më i larti që nga fillimi i matjeve në vitin 1954”, njoftuan sinoptikanët zviceranë në rrjetin social X (Twitter. ) .
Rekordi i mëparshëm u mat më 25 korrik 2022 në 5,184 m, shtoi MeteoSuisse.
Temperatura ulet me lartësinë, kurse lartësia mbi të cilën temperatura zbret nën 0 gradë ndryshon në varësi të kohës së vitit dhe kushteve meteorologjike.
“Kjo izotermi nën zero ndan shtresat e ajrit me temperatura mbi 0 gradë Celsius në lartësi më të ulëta dhe ato me temperatura nën zero në lartësi më të larta,” shpjegon shërbimi i motit në faqen e tij të internetit.
Le radionsondage de Payerne de cette nuit du 20 au 21 août 2023 a mesuré l'isotherme du 0 °C à 5298 m ce qui constitue un record depuis le début des mesures en 1954. Le précédent #record datait seulement du 25 juillet de l'année dernière avec 5184 m. #meteosuisse #canicule pic.twitter.com/dWjnKIRQ7r— MétéoSuisse (@meteosuisse) August 21, 2023
Për shkak të ndikimit të madh në zhvillimin e bimëve, në kufirin e borës dhe ciklin e ujit, ky informacion zë një vend të jashtëzakonshëm në parashikimin meteorologjik dhe luan një rol të madh në jetën e përditshme të zonës alpine.
Zvicra, ashtu si pjesa më e madhe e Evropës, është aktualisht nën ndikimin e një vale të nxehti me temperatura që kalojnë 30 gradë në lartësi deri në 800 metra që nga e premtja.
Vala e të nxehtit do të zgjasë deri të enjten, ndërsa priten temperatura deri në 37 gradë Celsius./Alsat.mk/
