Rrezikuan mbytjen, Shqipëria asiston në shpëtimin e 55 emigrantëve në detin Egje

Ministri i Mbrojtjes së Shqipërisë, Niko Peleshi thotë se anija “Butrinti” ka marrë pjesë në një operacion shpëtimi në ujërat e Egjeut.

Ai shkruan se anija shqiptare bashkë me atë greke dhe turke kanë arritur të shpëtojnë 55 emigrantë, të cilët rrezikonin të mbyteshin.

“Anija ‘Butrinti’, tregoi edhe një herë profesionalizëm të lartë në misionin e saj në ujërat e detit Egje. Së bashku me një anije greke dhe një turke, ekipi i anijes ‘Butrinti’ shpëtuan 55 emigrantë nga një gomone në vështirësi. Në këtë operacion shpëtimi, efektivët e FA, treguan përkushtimin e palëkundur për parandalimin e humbjes së jetëve të njerëzve dhe gatishmërinë për të ndihmuar në situata të tilla emergjente.”, shkruan Peleshi.

/abcnews.al/

Read Previous

Meriton Korenica beson që Ballkani mund ta kalojë Ludogoretsin: Jemi të bashkuar, japim maksimumin

Read Next

Juventusi do ta marr dënimin nga UEFA javën e ardhshme: Pritet një vit mungesë në garat evropiane