Arrestohet “mbreti i kriptovalutave”

Ish-CEO i firmës së dështuar të kriptomonedhave FTX, Sam Bankman-Fried, është arrestuar në Bahamas me kërkesë të qeverisë së SHBA-së.

Sipas mediave të huaja, arrestimi u bë të hënën pasi SHBA ngritën kallëzime penale që pritet të zbardhen të martën, sipas avokatit amerikan Damian Williams.

Bankman-Fried kishte qenë nën hetim penal nga autoritetet amerikane dhe bahamiane pas kolapsit të FTX muajin e kaluar.

Firma bëri kërkesë për falimentim më 11 nëntor.

USA Damian Williams: Earlier this evening, Bahamian authorities arrested Samuel Bankman-Fried at the request of the U.S. Government, based on a sealed indictment filed by the SDNY. We expect to move to unseal the indictment in the morning and will have more to say at that time.— US Attorney SDNY (@SDNYnews) December 12, 2022

Prokurori i Përgjithshëm, Ryan Pinder tha se Bahamas do ta ekstradojnë “menjëherë” Bankman-Fried në SHBA pasi autoritetet amerikane të bëjnë një kërkesë zyrtare.

FTX e ka selinë në Bahamas dhe Bankman-Fried ka qëndruar kryesisht në kompleksin e tij luksoz Bahamian në Nassau që nga dështimi i kompanisë.Reklamahttps://9b811b17019bbabcdc8fd1f3b0543132.safeframe.googlesyndication.com/safeframe/1-0-40/html/container.html

Një zëdhënës i Bankman-Fried nuk kishte asnjë koment të hënën në mbrëmje, shkruan Euronews.

Ex-CEO of failed cryptocurrency firm FTX Sam Bankman-Fried arrested in the Bahamas https://t.co/z7JNpqknu3— euronews (@euronews) December 13, 2022

Bankman-Fried ka të drejtë të kundërshtojë ekstradimin e tij, gjë që mund të vonojë por nuk ka gjasa të ndalojë transferimin e tij në SHBA.

Bankman-Fried ishte një nga njerëzit më të pasur në botë në letër, me një vlerë neto të vlerësuar prej 32 miliardë dollarësh. /Telegrafi/