Cristiano Ronaldo lëshoi një nga deklaratat më bombastike të tij. Në emisionin e Piers Morgan në mbrëmjen e së dielës, Ronaldo shpërtheu ndaj kritikëve të tij.
CR7 tha se u ndie i tradhtuar nga Manchester United dhe i mërzitur që ai akuzohet për gjithçka që ka shkuar keq në klub dhe beson se tani po e detyrojnë të largohet.
Ai foli edhe për tre trajnerët e Manchester United që i kaloi ai në periudhën e fundit, derisa për ish-bashkëlojtarin e tij, Ole Gunnar Solskjaer, i cili u shkarkua vetëm disa javë pasi Ronaldo u kthye, ai nuk ka asgjë tjetër veçse respekt.
Por, gjërat janë ndryshe kur bëhet fjalë për dy të tjerët e tjerë: Ralf Rangnick dhe trajnerin aktual Erik ten Hag, ai ka pak gjëra për të thënë.
Për Rangnick, i cili nuk kishte drejtuar një ekip futbolli për më shumë se një dekadë, ai thotë: “Nëse nuk je as trajner, si do të bëhesh strateg i Manchester United? As që kisha dëgjuar kurrë për të”.
Derisa për trajnerin holandez, Ronaldo tha se nuk ka respekt për të.
“Unë nuk kam respekt për të, sepse ai nuk tregon respekt për mua. Nëse nuk keni respekt për mua, unë nuk do të kem kurrë respekt për ju”, tha Ronaldo.
Kritikat për portugezin gjatë kohës së tij “të errët” në “Old Traford” nuk munguan as nga disa ish-bashkëlojtarë të tij.
Njëri prej tyre ishte Wayne Rooney, i cili e kishte kritikuar Ronaldo-n, derisa kishte thënë se United-u duhet ta largonte portugezin.
“Nuk e di pse më kritikon kaq shumë Ndoshta sepse ai e përfundoi karrierën dhe unë jam ende duke luajtur në nivel të lartë”, vazhdoi CR7.
Cristiano pati një rast të rëndë në familjen e tij, kur ai humbi djalin e porsalindur.
Pas këtij rasti, portugezi mori një mbështetje nga tifozët e Liverpool-it në “Anfield” (Liverpool dhe Manchester – dy klube me rivalitet të madh historik), derisa ata kënduan kore për të në minutën e shtatë (numri që mban Ronaldo).
Ronaldo e përmendi edhe këtë gjë në intervistën e tij, derisa tha se nuk e priste këtë mbështetje nga tifozët rivalë të klubit të tij.
Çuditërisht, ai ishte më pak i mbështetur nga klubi i tij, të cilin ai e akuzon për mungesë “empatie”, veçanërisht kur vajza e tij tre muaj, u shtrua në spital në korrik dhe ai nuk mund të kthehej në kohë për stërvitjet para-sezonale sepse donte për të qëndruar me të.
Ronaldo thotë se zyrtarët e lartë në “Old Trafford” madje dyshuan tek ai kur ai shpjegoi pse nuk mund të kthehej, gjë që e bëri të ndihej “i lënduar” dhe “keq”.
Portugezi u kthye pas rreth 11 vitesh në Manchester nga Juventus-i. Ai tha se ish-trajneri i tij në kohën kur ishte në Manchester, Alex Ferguson, ndikoi që ta bënte këtë zgjedhje, derisa zbuloi edhe një gjë – që kishte refuzuar Manchester City-n.
“Unë ndoqa zemrën time”, thotë ai duke trokitur në gjoks. “Ai (Sir Alex) më tha: ‘Është e pamundur që ju të shkoni në Manchester City’ dhe unë i thashë ‘në rregull, Shef’”.
Ronaldo gjithashtu kritikoi klubin që asgjë nuk kishte ndryshuar që kur u larguan ai dhe “Sir Alex”.
“Përparimi ishte zero. Që kur Sir Alex u largua, unë nuk pashë asnjë evolucion në klub. Asgjë nuk kishte ndryshuar”, shtoi 37-vjerçari.
Për atë që Sir Alex mendon për situatën aktuale, Ronaldo thotë: “Ai e di më mirë se klubi nuk është në rrugën që meriton të jetë”.
“Ai e di. Të gjithë e dinë. Njerëzit që nuk e shohin këtë, është sepse nuk duan të shohin, ata janë të verbër”, vazhdon CR7.
Dhe ai u trondit nga qëndrimi shpërfillës i shumë prej lojtarëve më të rinj, të cilët dukej se nuk kishin asnjë interes të mësonin mësimet që ai kishte nxjerrë në karrierën e tij madhështore.
Më e rëndësishmja, ai ishte i zhgënjyer kur zbuloi se, pas vitesh dështimi dhe stagnimi, United nuk mund të nënshkruante më lojtarët më të mirë të botës, duke e bërë shumë më të vështirë mundësinë e tyre për të fituar trofe të lartë.
“Unë mendoj se tifozët duhet ta dinë të vërtetën”, thotë ai. “Unë dua më të mirën për klubin. Kjo është arsyeja pse unë vij në Manchester United”, thekson Ronaldo.
“Por, ju keni disa gjëra brenda që nuk na ndihmojnë të arrijmë nivelin më të lartë si City, Liverpool dhe madje edhe tani Arsenali. Një klub me këtë dimension duhet të jetë në maje të tabelës për mendimin tim dhe për fat të keq nuk janë”, shtoi portugezi.
“Unë e dua klubin, i dua tifozët, ata janë gjithmonë në anën time. Mirëpo, nëse duan ta bëjnë atë ndryshe, duhet të ndryshojnë shumë, shumë gjëra”, thotë CR7.
Në fund Ronaldo tha se bëri gabimin më të madh të karrierës së tij, kur u largua nga Real Madrid-i.
“Pendimi me i madh i karrierës sime. Aty kisha respekt, aty kisha dashuri. Nëse do të kthehesha pas në kohë, do të luaja atje falas. Nuk duhej të largohesha kurrë nga klubi më i madh në botë. Me trajtuan si mbret”, tha mes tjerash Cristiano Ronaldo. /Albanianpost.com
