Komuniteti Politik Evropian ka një qëllim tepër të thjeshtë: Bashkimin e të gjitha kombeve të Evropës, brenda dhe jashtë Bashkimit Evropian.
Kjo, në mënyrë që të gjitha kombet e Evropës të kenë mundësinë të bashkërendojnë reagimin ndaj kërcënimeve kritike dhe të përshpejtojë rrugën drejt prosperitetit.
Kështu shkruan në një editorial të tijin, kryeministri i Republikës Çeke, Petr Fiala, vendi i së cilit mban aktualisht presidencën e Këshillit të Bashkimit Evropian.
Ndryshe nga çfarë ishte folur apo vënë në pikëpyetje për këtë nismë, Fiala thekson se që në ngjizje komuniteti ishte menduar të ishte kthehej në një hapësirë të përbashkët mjaft fleksibël për të akomoduar të gjitha kombet evropiane.
“Ne nuk kemi nevojë për ndonjë shkurtim të ri apo sekretariate të reja. Dhe qëllimi nuk ishte krijimi i një organizate tjetër ndërqeveritare”.
Fiala shprehet se, ajo që këtyre shteteve i duhet – por jo vetëm – është një qasje gjithëpërfshirëse ndaj zgjidhjeve, përgjigje më të shpejta ndaj problemeve dhe një vend për ndërmjetësimin e dialogëve midis kombeve.
Kryeministri shkruan se formati i zgjedhur në këtë formë ishte tepër i gjerë pasi kishte një lider politik nga secili vend ishte i ftuar, së bashku me presidentët e Komisionit Evropian dhe Këshillit Evropian.
Sipas tij, është lënë qëllimisht hapësira për takime dypalëshe pa këmishën e rezolutave zyrtare.
“Evropa është jashtëzakonisht e bashkuar për çështje të rëndësishme sot: kërcënimi që vjen nga Rusia është aq i rëndë sa dallimet tona të tjera duken pothuajse të vogla. Prandaj, ishte e natyrshme që agjenda e Pragës të dominohej nga lufta, me premtime për të ruajtur mbështetjen për Ukrainën dhe bisedime se si të kthehej paqja dhe stabiliteti në kontinentin tonë”.
E, kur flitet për stabilitet, Fiala rikujton se në ato tavolina është folur e diskutuar për marrëdhëniet Turqi-BE, situatën në Bosnjë dhe Hercegovinë dhe për marrëdhëniet ndërmjet Serbisë dhe Kosovës.
Kështu, ky samit për kryeministrin çek ofroi një mundësi për liderët e kombeve të destinuar të jetojnë së bashku, por që zakonisht nuk kanë shumë mundësi për të biseduar.
Për më tepër, ai shënon se pati disa takime të rëndësishme që premtojnë zbutjen apo edhe zhbllokimin e negociatave, veçanërisht në atë ku morën pjesë liderët e Turqisë, Armenisë dhe Azerbajxhanit.
Rikujtojmë se përpara samitit të Pragës, presidenti i Turqisë dhe kryeministri i Armenisë nuk ishin takuar ballë për ballë, që kur vendet ranë dakord të përmirësonin marrëdhëniet në vitin 2009.
Ky ishte pikërisht lloji i rezultatit që komuniteti kishte si synim.
“Por jo më pak të rëndësishme ishin debatet mbi sfidat e tjera të ngutshme për prosperitetin dhe mirëqenien tonë, veçanërisht rritja e çmimeve të energjisë që po dëmtojnë jetën e qytetarëve evropianë, si dhe po prekin bizneset dhe institucionet publike”.
Sipas Fiala-s, ishte veçanërisht e këndshme të shihje diskutime mbi ndërlidhësit e energjisë në Detin e Veriut dhe Ballkan dhe rritjen e kapaciteteve prodhuese me vende të tilla si Norvegjia dhe Azerbajxhani.
Me fjalë të thjeshta samiti ofroi një mundësi për liderët e kombeve të destinuar të jetojnë së bashku, por që zakonisht nuk kanë shumë mundësi për të biseduar.
“Ky është një moment kritik për Evropën. Por pavarësisht këtyre presioneve, pjesëmarrësit shfaqën unitet dhe vullnet për të bashkëpunuar”.
Petr Fiala shfaqet krenar që lindja e EPC-së do të lidhet përgjithmonë me kryeqytetin e Republikës Çeke dhe është i bindur se skeptikët e kanë gabim kur shqetësohen se ajo do të degjenerojë në diçka tjetër të parëndësishme.
“Ne kërkojmë diskutim të lirë që përforcon mirëkuptimin e ndërsjellë dhe na ndihmon të përsosim qëndrimet tona për çështjet më urgjente të ditës. EPC është një hapësirë për të bërë pikërisht këtë”. /Albanianpost.com
