Aksidentohet një kamion me një veturë në Gjakovë, lëndohet një person
· Ukraina ka thënë se është e gatshme të rifillojë bisedimet me Rusinë. Duke folur për një kanal televiziv të shtunën, presidenti i Ukrainës Volodymyr Zelensky tha se “diskutimet midis Ukrainës dhe Rusisë pa dyshim do të zhvillohen”. “Në cilin format nuk e di… por lufta do të jetë e përgjakshme, do të ketë luftime dhe [ajo] do të përfundojë përfundimisht vetëm përmes diplomacisë.” Zëdhënësi i Kremlinit, Dmitry Peskov, u përgjigj duke fajësuar Ukrainën për ndërprerjen e bisedimeve. Sipas agjencive ruse të lajmeve, diskutimet e fundit midis dy palëve u zhvilluan më 22 prill.
· Rusia ndaloi 963 amerikanë, përfshirë presidentin Joe Biden, të hynin në vend. Lista përfshin gjithashtu sekretarin e shtetit, Antony Blinken dhe shefin e CIA-s, William Burns.
· Biden nënshkroi një projekt-ligj financimi që do të sigurojë rreth 40 miliardë dollarë ndihmë për Ukrainën.
· Zelensky u takua me kryeministrin e Portugalisë, António Costa, dhe e përshkroi takimin si “të rëndësishëm dhe kuptimplotë”. Portugalia më vonë njoftoi një marrëveshje për të ofruar 250 milionë euro ndihmë financiare për Ukrainën. Zelensky pati gjithashtu një bisedë telefonike me kryeministrin e Italisë, Mario Draghi, dhe tha se ai theksoi rëndësinë e më shumë sanksioneve ndaj Rusisë dhe zhbllokimit të porteve të Ukrainës.
· Presidenti turk Tajip Erdogan, i cili ka kundërshtuar anëtarësimin e Suedisë dhe Finlandës në NATO, pati telefonata me krerët e të dy vendeve të shtunën dhe diskutoi shqetësimet e tij për organizatat terroriste. Turqia i befasoi aleatët e saj në NATO javën e kaluar duke kundërshtuar pranimin e dy vendeve në aleancën ushtarake, por udhëheqësit perëndimorë kanë shprehur besimin se kundërshtimet e Ankarasë nuk do të jenë një pengesë për procesin e anëtarësimit.
· Kanadaja ka vendosur sanksione ndaj miliarderit me origjinë ruse Alexander Lebedev. Ish-agjenti i KGB-së është pronar i gazetave në Mbretërinë e Bashkuar, Evening Standard dhe Independent./AnabelMedia/
