Në orët e hershme të mëngjesit të ditës së sotme një mjet shpërthyes është hedhur në oborrin e një shtëpie të banuar me serbë në Zubin Potok.
Lajmin e ka konfirmuar zëvendësdrejtori i Policisë së Kosovës për veriun, Veton Elshani.
Ai, ka thënë se dyshimet ekzistojnë që bëhet fjalë për granatë dore, ndërsa ka pasur dëme materiale në vetura dhe në dritaren e një shtëpie.
“Ka pasur dëme materiale në vetura dhe në dritaren e shtëpisë”, ka thënë ai, duke treguar se Policia ka nisur hetimet për këtë rast.
Ndërsa, nuk ka bërë të ditur nëse ka pasur pasoja në njerëz. /KosovaPress/
