Amir Rrahmani pritet ta nisë nga minuta e parë ndeshjen e Napolit kundër Villarrealit në Ligën e Kampionëve, në një përballje ku trajneri Massimiliano Allegri po shqyrton disa ndryshime në formacionin titullar.
Sipas formacionit të mundshëm të raportuar para ndeshjes, ish-mbrojtësi i Kombëtares së Kosovës pritet të jetë pjesë e treshes së qendrës së mbrojtjes, së bashku me Rafa Marín dhe Benoît Badiashile, në skemën 3-5-2 që po shqyrtohet nga stafi teknik i skuadrës italiane.
Rrahmani do të ketë përgjegjësi të rëndësishme në repartin defensiv, teksa Napoli synon të marrë rezultat pozitiv në udhëtim ndaj skuadrës spanjolle, pas humbjes në ndeshjen e parë evropiane kundër Arsenalit.
Përveç ndryshimeve në mbrojtje, Allegri po shqyrton edhe disa risi në mesfushë dhe sulm. Billy Gilmour është favorit për të luajtur nga fillimi në vend të Stanislav Lobotkës, ndërsa Scott McTominay dhe Kevin De Bruyne pritet ta kompletojnë mesfushën.
Në krahun e djathtë pritet të rikthehet Matteo Politano, ndërsa Giovanni Di Lorenzo mund të aktivizohet në krahun e majtë. Në repartin ofensiv, Giovane mund të jetë partner i Rasmus Højlund.
Megjithatë, këto janë parashikime për formacionin e mundshëm, ndërsa përbërja zyrtare e Napolit do të konfirmohet para fillimit të ndeshjes. /KosovaPress/
