Aksidentohet një kamion me një veturë në Gjakovë, lëndohet një person
Janë bërë tri ditë që kur një person shtiu disa herë me armë zjarri në drejtim të autobusit të kompanisë “Erblini”, i cili po qarkullonte nga Gjakova për në Deçan, duke lënë të vrarë shoferin dhe dy nxënës. Mirëpo, i dyshuari për këtë vrasje të trefishtë ndodhet ende në arrati.
Për më tepër, personi i maskuar që zbrazi automatikun mbi autobus, nuk është identifikuar akoma nga organet e sigurisë dhe hetuesisë.
Drejtori i përgjithshëm i Policisë së Kosovës, Samedin Mehmeti, ka njoftuar se hetimet po kryhen në dy ose tri pista.
As hetimet e as 20 mijë eurot që Qeveria e Kosovës i ka ofruar si shpërblim për këdo që jep informacione për dorasin, nuk po kryejnë punë. Autori apo autorët e këtij krimi mbesin në liri, ende të paidentifikuar nga autoritetet.
Ministri i Punëve të Brendshme, Xhelal Sveçla, i ka bërë ultimatum të dyshuarit që të vetëdorëzohet.
Nga sulmi me armë zjarri mbi autobus të premten mbrëma, mbeti i vrarë Gani Gjokaj, shofer i autobusit dhe dy nxënës të Shkollës së Mjekësisë, Genta Mustafaj dhe Ledion Hamzaj, 16 dhe 17 vjeç, të cilëve iu dha lamtumira e fundit dje.
Ndërkohë, autobusi që u sulmua u largua nga vendi i ngjarjes sot./GazetaSinjali