Aksidentohet një kamion me një veturë në Gjakovë, lëndohet një person
Sulmuesi i Inter Miami, Lionel Messi, është bërë historia më e “nxehtë” në të gjitha sportet në të gjithë Shtetet e Bashkuara. Biletat për ndeshjen e tij në raundin e 16-të të Kupës së Ligës kundër FC Dallas u shitën në vetëm 18 minuta.
Kjo shënon ndeshjen e parë jashtë fushe të Messi-t në MLS dhe çmimet e biletave janë rritur në qiell.
Stadiumi “Toyota” në Frisco, Teksas, ka një kapacitet prej vetëm 20,500 personash, kështu që vizita e Messi-t do të jetë disi ekskluzive.
Dallas, një nga klubet më të vogla në ligë, do të përfitojë shumë nga ardhja e tij. Ka një prani të rëndësishme latine në zonë dhe shumë janë të gatshëm të paguajnë shumë për të parë Messi-n.
Biletat nuk janë vetëm më të shtrenjta kur i blini nga pikat zyrtare. Tregu i rishitjes ka kaluar në “qiell”.
Disa tifozë kanë paguar deri në 9,000 dollarë për të pare Messi-n të dielën.
Biletat për ndeshjen e prezantimit të Messi-t kundër Cruz Azul më 21 korrik u shitën nga 200 deri në 5000 dollarë në tregun e rishitjes.
Për shkak të kapacitetit të ulët të “Toyota Stadium” dhe faktit që Messi mund të mos kthehet më në Dallas këtë sezon, e bëri këtë ndeshje më të shtrenjtë.
Në fakt, nëse Inter Miami kalon në fazën çerekfinale të turneut, ata do të kthehen në shtëpi. Paraqitjet e Inter Miami u përmirësuan që nga ardhja e Messi-t dhe Sergio Busquets. Ata kanë tre fitore radhazi pas një serie prej 11 humbjesh pa dy yjet.
Messi ka shënuar në secilën nga tre ndeshjet që ka luajtur, një goditje dënimi kundër Cruz Azul, plus një dygolësh kundër Atlanta United dhe një tjetër dopietë kundër Orlando City. /Albanianpost.com
