OpenAI bën thirrje për reforma mes rritjes së shpejtë të Inteligjencës Artificiale
Ministri i Turizmit, Kulturës dhe Sportit, Blendi Gonxhja, ka bërë të ditur se sektori i turizmit në Shqipëri po vijon të shënojë rritje të qëndrueshme, duke konfirmuar interesin gjithnjë e më të madh të vizitorëve të huaj.
Sipas të dhënave zyrtare, gjatë muajit mars 2026, vendi mirëpriti 609 mijë e 363 turistë të huaj, ose 59 mijë e 598 më shumë krahasuar me marsin e vitit 2025, duke regjistruar një rritje prej rreth 11%.
Ministri Gonxhja theksoi se, në një kohë sfidash globale për industrinë e turizmit, Shqipëria po spikat si një destinacion i sigurt dhe gjithnjë e më tërheqës për turizmin gjithëvjetor.
“Nga peizazhet natyrore te trashëgimia kulturore, mikpritja, kulinaria dhe aktivitetet artistike, oferta turistike shqiptare po fiton gjithnjë e më shumë vëmendjen e tregjeve ndërkombëtare”, u shpreh ai.
Ministri shtoi se rritja e vizitorëve është një tregues i qartë i forcimit të imazhit të Shqipërisë si destinacion turistik dhe një sinjal pozitiv për ekonominë e vendit.
Ministria e Turizmit, Kulturës dhe Sportit synon të intensifikojë politikat e promovimit, investimet në infrastrukturë dhe shërbime cilësore për vizitorët, me qëllim të konsolidimit të pozicionit të Shqipërisë në hartën turistike globale dhe zhvillimin e turizmit gjithëvjetor. /Albanianpost.com
