Aksidentohet një kamion me një veturë në Gjakovë, lëndohet një person
Agjencitë për situata të jashtëzakonshme në New South Wales të Australisë, kanë këshilluar banorët që të evakuohen nga disa rajone, duke i paralajmëruar se reshjet e shiut nuk do të ndalen deri të hënën.
Në anën tjetër është bërë e ditur se niveli i ujit nga reshjet e pandërprera të shiut kanë arritur në 1.5 metra në disa rajone.
Mediat lokale raportojnë se agjencia hidrometeorologjike ka paralajmëruar, se niveli i ujit në këtë rajon mund të rritet aq sa kishin arritur në mars, ku pjesë të mëdha të qyteteve australiane u përmbysën.
Jonathan Haw, meteorolog, tha për ABC se në fshatin Menangl rreth 70 kilometra në jugperëndim të Sydney, niveli i ujit në lumenj ka arritur në 16.5 metra, që është pak centimetra nën rekordin prej 16.8 metra që ishte arritur në prill të këtij viti.
Pamjet e mediave të atjeshme shfaqin rrugët e mbuluara nga uji, ku qytetarë të shumtë kanë mbetur të ngujuar nëpër shtëpi.
/Telegrafi/
