Aksidentohet një kamion me një veturë në Gjakovë, lëndohet një person
Protesta kundër kryetarëve shqiptarë të komunave me shumicë serbe Zveçan, Zubin Potok dhe Leposaviq, po vazhdojnë edhe sot.
Në Leposaviq dhjetëra persona tashmë janë grumbulluar pranë rrethojave të KFOR-it.
Grumbullimi i protestuesve serbë ka nisur pranë objekteve të komunës edhe në Zubin Potok e Zveçan.
Nga Policia e Kosovës kanë thënë se aktualisht situata në këto tri komuna është e qetë.
“Nuk kemi ndonjë incident që e kemi regjistruar. Policia është duke i kryer detyrat e veta sipas angazhimeve që i ka”, thotë Veton Elshani nga ky institucion për REL.
Sipas tij, zyrtarët policorë po vazhdojnë të qëndrojnë pranë tri ndërtesave komunale në veri të Kosovës.
Kjo është dita e tretë e protestave, që u përcollën me tensione e dhunë nga protestuesit serbë.
Misioni i NATO-s në Kosovë ka bërë të ditur se janë rreth 25 të plagosur nga kontingjenti shumëkombësh gjatë ndalimit të demonstruesve protestues që ndodhi në komunën e Zveçanit.
Po ashtu u sulmuan edhe shumë ekipe gazetarësh. /Reporteri.net/