Aksidentohet një kamion me një veturë në Gjakovë, lëndohet një person
Inteligjenca Artificiale po bën bujë me përditësime të shumta rreth kapaciteteve që nxisin frikën tek masa.
Në vazhdën e lansimit të ChatGPT, platforma teknologjike me rritje më të shpejtë ndonjëherë – është diskutuar se Inteligjenca Artificiale do t’ua marrë punën shkrimtarëve, artistëve, muzikantëve dhe koduesve, etj.
Por një profesion mund të jetë i sigurt për momentin. Sipas një studimi nga Universiteti Brigham Young (BYU) në SHBA, kontabilistët njerëzorë ende e kalojnë ChatGPT-n në provimet e kontabilitetit.
Studimi përbëhej nga 327 bashkautorë nga 186 institucione të ndryshme arsimore në 14 vende, në përgjithësi duke kontribuar me 25,181 pyetje të provimit të kontabilitetit në klasë.
Pyetjet mbuluan sistemet e informacionit të kontabilitetit (AIS), auditimin, kontabilitetin financiar, kontabilitetin menaxherial dhe tatimet. Ato ndryshonin në vështirësi dhe lloj, duke përfshirë e vërtetë dhe false, zgjedhje të shumëfishta dhe përgjigje të shkurtra.
Dhe ChatGPT – pasi kishte kaluar më parë provimet juridike ndër të tjera – çuditërisht performoi mirë. Mesatarja e përgjithshme e tij ishte 47.4 për qind, duke ecur më mirë se studentët njerëz në 11.3 për qind të pyetjeve. Ai bëri veçanërisht mirë në AIS dhe auditim.
Por studentët ia kaluan makinës në përgjithësi. Notat mesatare të tyre arritën në 76.7 për qind dhe ata ishin më të mirë në pyetjet mbi vlerësimet tatimore, financiare dhe menaxheriale, ndoshta sepse ChatGPT luftoi me proceset matematikore të kërkuara për llojin e fundit.
Për sa i përket llojit të pyetjes, ChatGPT doli më mirë në pyetjet e vërtetë e pavërtetë (68.7 për qind të sakta) dhe me zgjedhje të shumëfishta (59.5 për qind), por kishte vështirësi me pyetjet me përgjigje të shkurtra. /Telegrafi/
