• 5 October, 2022

Policia kufitare në Gjakovë gjenë armë ilegale në stanet e brezit kufitar

Policia e Kosovës njofton se ka realizuar planin operativ të koduar “Bjeshka” ku janë gjetur armë ilegale në stanet e brezit kufitar.

Më poshtë keni deklaratën e plotë të Policisë së Kosovës në lidhje me këtë rast.

“Referuar pranimit të informatave nga tereni lidhur me disa dyshime për armëmbajtje të paligjshme dhe të shtëna me armë, Policia e Kosovës konkretisht hetuese policorë nga Drejtoria Rajonale e Policisë Kufitare “Perëndimi” në Gjakovë, pas një pune operativo -hetimore kanë zbuluar se bëhet fjalë për dy shtetas kosovar me iniciale (Xh. M. viti i lindjes 1954 dhe Sh .R. viti i lindjes 1960) të cilët posedojnë armë dhe ato i mbajnë në stanet e tyre në brezin kufitar Kosovë –Shqipëri në vendin e quajtur Pllaçica e Junikut.

Sot me datë 05.07.2022, me urdhër të Gjykatës kompetente, në orët e hershme të mëngjesit është realizuar plani operativ i koduar “Bjeshka 2022”, është bërë bastisja në dy objekte (stane) në bjeshkën e Junikut dhe në të dy stanet janë gjetur provat/dëshmitë materiale si në vijim.

• Dy (2) armë AK-47 (kallashnikovë)
• Njëzet e pesë (25) copë fishek të kalibrit 7.62 mm.
• Tre (3) karikatorë për armë AK-47.

I dyshuari i parë ( Xh. M), pas intervistimit me urdhër të prokurorit të rastit është liruar në procedurë të rregullt, ndërsa i dyshuari i dytë nuk ka qenë prezent gjatë bastisjes dhe i njëjti është ftuar për interviste nga hetuesit kompetentë për procedurë të mëtejme”.

Read Previous

Bujqit kanë filluar korrjet, çmimet e larta zvogëlojnë fitimet

Read Next

Vdes Dr. Mentor Salihi që ishte në autoambulancën e aksidentuar ditë më parë