Aksidentohet një kamion me një veturë në Gjakovë, lëndohet një person
Megjithëse java do të fillojë me mot të mirë dhe me temperatura të ngjashme me ato të ditëve të fundit, Instituti Hidrometeorologjik i Kosovës (IHMK) njofton se gjatë ditëve në vijim do të ketë ulje të temperaturave, sidomos nga dita e marte. Sipas IHMK në viset malore do të ketë edhe reshje bore.
“Java fillon me mot të mirë dhe me temperatura të ngjashme me ditët e fundit. Në juglindje dhe lindje të vendit ka mundësi të ketë riga shiu. Nga dita e martë i gjithë vendi do të ndikohet nga masat e ajrit me presion të ulët atmosferik. Kjo situatë nuk do të zgjasë por do të krijohen kushte për reshje shiu dhe bore në viset e ulëta dhe mesatare, kurse në viset e larta parashihen reshje bore. Temperaturat do të bien në mesditë deri në 5 gradë. Nga dita e mërkurë parashihen kushte tjera meteorologjike, sidomos në temperaturat e dy vlerave. Minimalet gjatë javës do të lëvizin ndërmjet -3 deri 3 gradë Celsius, ndërsa maksimalet e ditës parashihen të lëvizin ndërmjet 5-14 gradë Celsius. Do të fryjë erë nga drejtimi i jugut dhe verilindjes me shpejtësi 1-8 m/s”, thuhet në njoftimin e IHMK-së. /KP/