Aksidentohet një kamion me një veturë në Gjakovë, lëndohet një person
Ministrja e Arsimit, Arbërie Nagavci, ka njoftuar se së shpejti do të hapet konkurs për rekrutimin e 20 inspektorëve në arsim, me synimin për të siguruar cilësi në arsim, zgjedhje të problemeve në shkolla, mundësi me të madhe për monitorim dhe inspektim të institucioneve arsimore, si dhe vlerësim të performancës së mësimdhënësve, drejtorëve dhe zv. drejtorëve.
Ministrja tha se Inspektorati i arsimit deri më tani ka funksionuar me kapacitete shumë të limituara, me vetëm 30 inspektorë të cilët mbulojnë tërë Kosovën.
“Fokusi ynë është që rekrutimi të bëhet sipas 7 fushave të kurrikulës arsimore, duke plotësuar vendet e lira me kuadrin që e kemi në mungesë. Edhe për vitin e ardhshëm kemi planifikuar të pranojmë 20 inspektorë tjerë të arsimit. Me qasje gjithëpërfshirëse e shumë dimensionale do të përmirësojmë cilësinë në arsim”, shkroi Nagavci në një postim në Facebook.
/KlanKosova/
