Emiri i Katarit uron presidenten Shiroka Pula: T’i forcojmë më shumë marrëdhëniet
Kuvendi i Shqipërisë miratoi me 85 vota pro reformën e re administrativo-territoriale, e cila parasheh reduktimin e numrit të bashkive nga 61 në 46.
Për miratimin e projektligjit nevojiteshin 84 vota. Reforma e propozuar nga Partia Socialiste parashikon bashkimin e 15 bashkive me njësi të tjera të qeverisjes vendore. Votimi u zhvillua pas rreth 14 orësh seancë, gjatë së cilës pati debate të ashpra mes mazhorancës dhe opozitës për ndryshimet e propozuara në hartën territoriale.
Gjatë procesit të votimit, deputetët e Partisë Demokratike tentuan të pengonin zhvillimin e tij, duke kërkuar që votimi të mos mbahej. Ndërkohë, disa deputetë të opozitës hodhën shishe uji dhe sende të forta në drejtim të kryeministrit Edi Rama, i cili nuk mori pjesë në debat, por ishte i pranishëm gjatë votimit.
Pro reformës votoi edhe deputeti socialist Erion Braçe, ndonëse më herët kishte shprehur publikisht kundërshtimin e tij ndaj hartës së re territoriale. Pas përfundimit të seancës, Braçe deklaroi se vazhdonte të ishte kundër reformës dhe se votën e tij do ta shpjegonte të premten.
Reforma e re territoriale u kundërshtua nga opozita, ndërsa miratimi i saj me 85 vota i hap rrugë ndryshimit të organizimit administrativo-territorial të Shqipërisë.
