• 9 December, 2022

Mbi 126 mijë biznese aktive në Shqipëri

Numri i bizneseve u rrit gjatë tetëmujorit të këtij viti në Shqipëri.

Referuar të dhënave të publikuara nga Ministria e Financave dhe Ekonomisë, në gusht të vitit 2022 numërohen 126.111 biznese aktive në vend, me një rritje prej 4.9 % me gushtin e vitit 2021, ose 5940 më shumë.

Krahasuar me fundin e vitit 2021, numri i bizneseve shënoi rritje prej 10.2 %.

Ministrja e Financave dhe Ekonomisë, Delina Ibrahimaj bëri të ditur një ditë më parë, gjatë një analize lidhur me situatën ekonomike në vend, se treguesit e tërthortë tregojnë se ambienti ekonomik i vendit është karakterizuar nga një ambient stimulues për biznesin.

“Pritshmëria e ecurisë pozitive në tremujorin e tretë lidhet gjithashtu me numrin e bizneseve të regjistruara në muajin gusht sipas QKB, që është 126,111 biznese. Ky stok është më i lartë në krahasim me të njëjtin muaj një vit më parë gusht 2021, rreth 4.9% ose 5940 biznese më shumë. Ndërkohë në nivel biznesesh të reja të regjistruara gjatë këtij viti ne kemi një rritje me 10.2% dhe gjithashtu kemi një rënie të bizneseve të pezulluara dhe çregjistruara me 7.6%”, tha Ibrahimaj./Botasot/

Read Previous

Mbi 452 milionë fëmijë viktima të luftërave

Read Next

Euro rimëkëmbet, dollari dobësohet: Ende tensioni në treg, banka e Australisë është ngadalësuar