Merz: Trump të mos krijojë surpriza gjatë takimit me Putinin në Kinë
Kombëtarja e Kosovës në futboll zbret sot në fushë për t’u përballur me Izraelin, në një ndeshje tejet të rëndësishme në kuadër të UEFA Nations League, shkruan Gazeta Sinjali.
Përballja e zjarrtë do të zhvillohet në stadiumin “Fadil Vokrri” në Prishtinë, me fillim nga ora 15:00, ku pritet një atmosferë elektrizuese në shkallët e stadiumit në mbështetje të djemve tanë.
Për “Dardanët”, ky takim ka peshë të veçantë, pasi synimi kryesor dhe i vetëm mbetet fitorja. Ekipi ka zhvilluar përgatitjet e fundit me intensitet të lartë dhe motivimi në kampin verdhekaltër është në maksimum për t’i arkëtuar pikët e plota para tifozëve vendas.
Përballja e sotme shihet si një test kyç për ecurinë e Kosovës në grup, ndërsa trajneri dhe futbollistët janë shprehur të vendosur se do të japin maksimumin në fushën e blertë për të gëzuar mbarë opinionin sportiv në vend.
Ndeshja pritet të ndiqet me interesim të jashtëzakonshëm, ndërkohë që masat organizative dhe të sigurisë rreth stadiumit tashmë janë ndërmarrë për të garantuar mbarëvajtjen e këtij evenimenti sportiv.
