Qeveria e Republikës së Kosovës dhe Agjencia Kadastrale e Kosovës, përmes kompanisë GEOCAD Group SH.P.K., kanë njoftuar qytetarët e disa zonave kadastrale të Komunës së Gjakovës për fillimin e Rishikimit Publik të Projektit për Rindërtimin e Kadastrit.
Rishikimi publik do të përfshijë zonat Gjakovë Jashtë Qytet-Park, Gjakovë-Qyteti-Pjesa, Jahoc-Pjesa dhe Zidi Sadik Agës I dhe do të mbahet nga 2 tetor 2026 deri më 30 nëntor 2026.
Zyra e Rishikimit Publik është hapur në rrugën “Luan Haradinaj”, nr. 50, afër palestrës së sporteve, në rrugën e Tranzitit në Gjakovë. Qytetarët mund ta vizitojnë zyrën nga e hëna deri të premten, nga ora 08:00 deri në 16:00, për të marrë informacione lidhur me projektin dhe procesin e rishikimit.
Për informata shtesë, qytetarët mund të kontaktojnë në numrin 049 557 447.
