Aksidentohet një kamion me një veturë në Gjakovë, lëndohet një person
Ministrja e Punëve të Jashtme dhe Diasporës, Donika Gërvalla-Schwarz, nëpërmjet një postimi në platformën “X” ka kërkuar që përgjegjësi për organizimin e sulmit terrorist në Banjë të Zveçanit, Millan Radojiçiç, duhet t’i dorëzohet Kosovës, derisa ka shtuar se lirimi i Radojiçiçit në Serbi vetëm një ditë pas arrestimit, dëshmon që ky proces është absurd.
“Lirimi i shpejtë i terroristit Radoiçiçit një ditë pas arrestimit të tij në Serbi dëshmon se i gjithë ky proces është një sharadë. Shteti serb urdhëroi sulmin ndaj Policisë së Kosovës dhe nuk mund të pritet që të japë drejtësi. Radojiçiç duhet t’i dorëzohet Kosovës tani”, ka deklaruar shefja e diplomacisë kosovare të mërkurën në mbrëmje.
The swift release of terrorist Radoičić the day after his arrest in Serbia proves that this entire process is a charade.
The Serbian state ordered the attack on the Kosova Police, and cannot be expected to deliver justice.
Radoičić must be handed over to Kosova now. pic.twitter.com/hs3bJ95zB6— Donika Gërvalla-Schwarz (@gervallaschwarz) October 4, 2023
Gjykata e Lartë në Beograd ka njoftuar të mërkurën se e ka liruar nga mbajtja ish-nënkryetarin e Listës Serbe – forca më e madhe politike e serbëve të Kosovës – dhe kryekrimeli serb në arrati, një ditë pas marrjes në pyetje. Atij i është konfiskuar pasaporta dhe i është ndaluar hyrja në territorin e Kosovës.
Prokuroria e Lartë Publike në Beograd ka njoftuar më herët të martën se Radojiçiçi dyshohet se ka blerë “armë, municione dhe mjete shpërthyese me fuqi shkatërruese” nga Tuzlla – qyteti i tretë më i madh në Bosnje-Hercegovinë – nga janari i vitit 2023 deri në ditën e sulmit terrorist ndaj Policisë së Kosovës më 24 shtator.https://s0.2mdn.net/sadbundle/8643820803215684836/index.html?ev=01_250Radojiçiçi i cili ka mbështetjen e presidentit serb, Aleksandër Vuçiç dhe autoriteteve të tjera në Beograd, kërkohet nga Qeveria e Kosovës për një numër veprash penale dhe është gjithashtu në “listën e zezë” të Shteteve të Bashkuara të Amerikës (SHBA) dhe Britanisë së Madhe për përfshirje në krimin e organizuar ndërkombëtar. /Albanianpost.com
