Aksidentohet një kamion me një veturë në Gjakovë, lëndohet një person
Pandemia e COVID-19 i kushtoi Produktit të Brendshëm Bruto (PBB) të Gjermanisë 330 miliardë euro në dy vitet e fundit, ekuivalente me 10 për qind të GJDP-së para periudhës së pandemisë, ka llogaritur Instituti i Ekonomisë Ifo.
Po të mos ishte kriza pandemike, ekonomia do të ishte rritur me 1.3 për qind në 2020 dhe 2021, raportoi Ifo.
330 miliardë euro të humbura korrespondojnë me 10 për qind të PBB-së në vitin 2019, llogaritën ata.
Eksperti i Ifo, Timo Wollmershaeuser tha se humbjet e ardhshme në krijimin e vlerës nuk janë përfshirë në llogaritje, për shembull për shkak të mangësive në arsim.
Kreu i institutit, Clemens Fuest, e quajti pandeminë “krizën më të keqe ekonomike globale që nga Depresioni i Madh në vitet 1930”.
Shprehja numerike e Ifo për pasojat ekonomike të pandemisë është pak më e ulët se ajo e Institutit Ekonomik Gjerman (IW) me qendër në Koln, përllogaritja e të cilit tregon një humbje prej 350 miliardë eurosh. /Telegrafi/
