Barrikada kundër përmbytjeve në Venecia

Pas ditëve me reshje, autoritetet në Venecia po përgatiten të aktivizojnë barrikadën mobile në lagunë me shpresën për ta shpëtuar qytetin nga përmbytjet.

Një nga barrikadat 10-tonëshe të krijuara për të lehtësuar përmbytjet e përhershme të Venecias duket si një lojë gjigante: një bllok i verdhë i përmasave të mëdha.

I njohur me akronimin e tij, MOSE, emri i sistemit të mbrojtjes lidhet me Moisiun biblik që çau Detin e Kuq, por është marrë gjithashtu nga akronimi italian për Modulet Eksperimentale Elektromekanike.

Në qendër të planit për mbrojtjen e Venecias, disa ose të gjitha nga 78 barrikadat janë projektuar për t’u ngritur kur niveli i detit ngrihet më shumë se 110 centimetra, për të parandaluar që baticat e larta të përmbysin qytetin.

Italia ka shpenzuar mbi 17 vjet dhe ka shpenzuar gati gjashtë miliardë euro në sistemin e barrikadave nga përmbytjet për të mbrojtur qytetin e brishtë 1600-vjeçar.

Mose është projektuar për të mbrojtur qytetin nga baticat e larta deri në tri metra.

Sistemi i pengesave përbëhet nga 78 porta gjigante të përmbytjes, secila 20 metra e gjatë.

Tubat që shtrihen në një tunel nëntokësor pompojnë ajrin e ngjeshur në portat që i ngre lart, duke krijuar një pengesë të përkohshme.

Pasi batica të ketë zbritur, uji i detit pompohet përsëri në portat për t’i ulur ato.

Ideja e projektit ishte krijimi i një sistemi të lëvizshëm, i cili nuk do të ishte një dëm kolosal që do të shkatërronte tokën dhe peizazhin detar dhe do të lejonte që uji të kullonte nga laguna për ta mbajtur atë që të mos shndërrohej në një pellg të ndenjur.

Më 12 nëntor 2019, venecianët dëshmuan përmbytjet më të mëdha në më shumë se 50 vjet, kur batica u rrit në 1.87 metra mbi nivelin mesatar të detit, niveli i dytë më i lartë i regjistruar ndonjëherë në qytet dhe vetëm 7 centimetra më i ulët se përmbytja historike e vitit 1966.

Barrikadat kundër përmbytjeve nuk u aktivizuan, sepse nuk ishin gati. Zyrtarët e bashkisë vlerësuan se dëmi ishte rreth 1 miliard euro./Sinjali/