Aksidentohet një kamion me një veturë në Gjakovë, lëndohet një person
Me pak më shumë se dy javë të mbetura deri në fund të merkatos së verës, mundësia për Milanin për të transferuar një qendërsulmues të ri si zëvendësues të Olivier Giroud në rast të largimit të Lorenzo Colombo është ende plotësisht e hapur.
Për qendërsulmuesin italian të lindur në 2002, vitin e kaluar i huazuar te Lecce, ka interes të madh nga Cagliari dhe Genoa, të cilët janë gjithmonë në garë me formulën e huazimit. Futbollisti i ka shprehur klubit të Milanit synimin e tij për të shkuar të luajë vazhdimisht.
Siç raportohet nga Gazzetta dello Sport, dy emrat në fletore, të miratuar edhe nga Pioli, janë ata të Ekitike të PSG dhe Broja të Chelseat. Për të parin, klubi francez kërkon 20 milionë euro për një blerje përfundimtare, ndërsa kuqezinjtë do të donin një huazim me të drejtë blerje. Sa i përket shqiptarit, i ndjekur nga kuqezinjtë tashmë dy vite më parë, Chelsea po i hapet me qetësi transferimit të përkohshëm. Moncada dhe Furlani shpresojnë në një hapje nga PSG, në të kundërt do të përshpejtojnë për Brojan.
Gazetari Nichola Schira gjithashtu raportoi se Broja është ofruar tek Milani.
“Armando Broja i është ofruar ACMilan në formë huazimi. Kujtojmë: Milani e donte tashmë 2 vjet më parë”, shkruan ai.
/eo/
