Aksidentohet një kamion me një veturë në Gjakovë, lëndohet një person
Një alpinist në Zelandën e Re “mrekullisht” i mbijetoi një rënie prej 600 metrash me vetëm lëndime të lehta pasi u rrëzua nga “maja e një mali”.
Policia tha se burri ra nga mali Taranaki në ishullin verior dhe u shpëtua nga moti pranveror që zbuti akullin dhe do të thoshte se ra në borë.
Policia vlerëson se alpinisti është “jashtëzakonisht me fat që është gjallë”.
Distanca që ai ra është e barabartë me Kullën Mbretërore të Sahatit të Mekës në Arabinë Saudite, një nga ndërtesat më të larta në botë.
Alpinisti ishte pjesë e një grupi që ngjitej në malin Taranaki kur ra nga maja rreth mesditës të së shtunës, 9 shtator.
Mali Taranaki ka një reputacion si një nga malet më vdekjeprurëse në Zelandën e Re, sipas Këshillit të Sigurisë Malore të vendit.
Në vitin 2021, dy alpinistë ranë për vdekje nga i njëjti vend nga i cili ra alpinisti në fundjavë. /Telegrafi/
