Në një atmosferë festive fshati Doblibarë i komunës së Gjakovës ndezën shkëlqimin e fundvitit. Dritat shumëngjyrëshe dhe dekori fantastik i ka veshur një petk të mrekullueshëm Kishës së Shën Mihillit.
Të rinjët e kësaj ane thanë se janë përkujdesur që krishlindjet dhe viti i ri të vijnë në një tjetër astmosferë.
Ndriçimi dhe rregullimi i secilit kënd këtë herë është bërë më i veçantë. Duket se banorët janë përkujdesur që të bëjnë stolisjen e pemëve me llojllojshmëri të ngjyrave si dhe të vendosin dekore të ndryshme përreth Kishës të cilat i kanë dhënë hijeshi dhe atmosferë festive këtij fshati.
Besimtarët e kësaj famullie të të gjitha grupmoshave po presin me entuziazëm ardhjen e festave të fundvitit, dhe fillimin e vitit 2022. Ata janë gati të presin vizitorët, që nuk kanë munguar asnjëherë për vite me radhë. Improvizimi i detajuar i lindjes së Krishtit apo siç njihet betlehemi është imazhi që të mbetet gjatë në kujtesë. Magjinë e dritave, pamjet unike dhe të veçanta mund t’i shijoj secili që zgjedh që të kalojë netët festive në fshatin Doblibarë.
