Në ndeshjen e zhvilluar të dielën, në Stadiumin e Qytetit në Gjakovë, skuadra e Vëllaznimit është ndalur në barazim nga skuadra mysafire e Onix.
Barazmi i radhës për Vëllaznimin u konsiderua si një mundësi e humbur, për t’i barazuar pikët me lideren aktuale të tabelës Trepça ’89, e cila në ndeshjen kundër Lirisë të zhvilluar në Prizren, e mbylli ndeshjen pa gola, pa fitues, e me vetëm një pikë.
Pjesa e parë në këtë përballje u mbyllë pa gola, ku të dy golat u shënuan në pjesën e dytë.
Madi Karamo Fatty shënoi për 0-1 për mysafirët fillimisht, ndërsa gjakovarët nga humbja i shpëtoi një gol i vonshëm i Lekë Vulës, për t’u mbyllur kështu shifrat e kësaj ndeshjeje me barazim 1-1.
Me këtë rezultat, Vëllaznimi ka 2 pikë më pak se Trepça ‘89 lidere, kurse Onixi ndodhet në vendin e tretë me 16 pikë.
Ndërsa në xhiron e radhës, Vëllaznimi i shkon Istogut, kurse Onixi e pret Besën.
/TvSyriVision/
