Partia Demokratike e Kosovës shënoi ditën e fundit të fushatës elektorale. Kandidatja për kryetare të Gjakovës, Arbënesha Kuqi mori fjalën duke falënderuar qytetarët për përkrahje dhe duke u zotuar se kërkesat e qytetarëve të Gjakovës do të gjejnë zbatim sipas prioriteteve në qeverisjen e ardhshme 4 vjeçare.
Kandidatja Kuqi ka dalë si burrneshë në këto zgjedhje prandaj e meriton mbështetjen tuaj për të rikthyer PDK në qeverisjen lokale apeloi Enver Hoxhaj.
Këtë mision do ta përmbushim bashkë, për të sotmen dhe të ardhmen e Kosovës, kështu deklaruan deputetët Hajdar Beqa dhe Hisen Berisha.
Në përmbyllje të fushatës, përfaqësues nga PDK thanë se me 17 tetor do të festojnë fitoren.
