Një 49-vjeçar në Gjermani ka humbur jetën, pasi u arrestua nga policët gjatë protestave kundër masave të qeverisë për të parandaluar përhapjen e COVID-19.
Policia tha se 49-vjeçari ishte ankuar se nuk ndihej mirë, teksa policët po i kontrollonin dokumentat identifikimit.
Efektivët i dhanë ndihmën e parë 49-vjeçarit, por ai ndërroi jetë në spital, raportojnë mediat e huaja. Për vdekjen e protestuesit kanë nisur hetimet.
Rreth 600 persona u arrestuan gjatë demonstratave në fundjavë. Protestuesit u përplasën me policinë, por autoritetet ende nuk kanë dhënë një shifër për numrin e protestuesve dhe oficerëve të plagosur gjatë së dielës./GazetaBlic/
