Berisha për raportin e KE-së: I paprecedent, Rama të japë dorëheqjen
Brajan Gruda do të jetë sërish pjesë e kombëtares së Gjermanisë, pasi përzgjedhësi Jurgen Klopp e ka përfshirë në listën prej 24 futbollistësh për dy ndeshjet e ardhshme të Ligës së Kombeve.
Futbollisti me prejardhje shqiptare është ftuar për përballjet ndaj Serbisë dhe Holandës, duke marrë një tjetër mundësi për të debutuar me ekipin e parë të Gjermanisë.
Ndeshjen e parë gjermanët do ta zhvillojnë në udhëtim ndaj Serbisë, në Beograd, ndërsa më 16 nëntor do të përballen me Holandën në Berlin.
Dueli Serbi – Gjermani do të luhet pa shikues, pasi UEFA ka ndëshkuar Federatën Serbe të Futbollit.
Kjo është ftesa e dytë radhazi për Grudën nga përzgjedhësi Klopp.
22-vjeçari ishte përfshirë edhe në listën për ndeshjet e muajit të kaluar ndaj Serbisë dhe Greqisë, por një lëndim ia pamundësoi të paraqitej për Gjermaninë.
Pavarësisht se ende nuk ka debutuar me ekipin A, Gruda ka qenë pjesë e të gjitha grupmoshave të Gjermanisë.
Ai aktualisht është i huazuar te Leipzigu nga Brightoni, ku po vazhdon të tregojë paraqitje pozitive.
Në 12 ndeshje të zhvilluara në të gjitha garat këtë sezon, futbollisti shqiptar ka shënuar dy gola dhe ka regjistruar tri asistime./Telegrafi/
