Hamza e refuzon ofertën e dytë të Kurtit për presidentin dhe Specialen
Bordi i Paqes ka publikuar një deklaratë me rastin e trevjetorit të sulmit të 7 tetorit 2023 në Izrael, duke përkujtuar rreth 1,200 viktimat dhe 251 personat që, sipas deklaratës, u morën peng në Gaza.
Në deklaratë, Bordi shpreh solidaritet me familjet e viktimave dhe të mbijetuarit, ndërsa thekson se konflikti ka shkaktuar vuajtje të mëdha si për izraelitët, ashtu edhe për palestinezët.
Bordi thotë se synon krijimin e kushteve për një paqe të qëndrueshme përmes çmilitarizimit dhe deradikalizimit të Gazës, duke theksuar se siguria e Izraelit është themeli mbi të cilin duhet të ndërtohet paqja.
Në deklaratë përmendet edhe presidenti amerikan Donald Trump, për të cilin Bordi thotë se e kishte bërë kthimin e të gjithë pengjeve kërkesën e parë të planit të tij dhe se e kishte përmbushur këtë zotim.
Bordi përfundon duke përsëritur angazhimin për një të ardhme në të cilën 7 Tetori të mos përsëritet më.
