Hamza e refuzon ofertën e dytë të Kurtit për presidentin dhe Specialen
Kryetari i Gjykatës Administrative, Kreshnik Kaçiu, ka pritur në takim Major Hector Zayas, shef i Zyrës Ligjore në Kampin Bondsteel.
Gjatë takimit është diskutuar për organizimin dhe mbarëvajtjen e punës së Gjykatës Administrative, si dhe për sfidat me të cilat përballet kjo gjykatë e re dhe e specializuar në fushën e drejtësisë administrative.
Kaçiu ka vlerësuar rëndësinë e takimeve të tilla, duke theksuar se ato kontribuojnë në forcimin e bashkëpunimit. Ai ka prezantuar gjithashtu prioritetet e tij në drejtimin e gjykatës.
Nga ana tjetër, Major Hector Zayas e ka uruar Kaçiun për zgjedhjen në pozitën e kryetarit, duke i dëshiruar suksese në ushtrimin e detyrës.
Sipas njoftimit, Zayas ka ofruar përkrahje për Gjykatën Administrative.
Në takim është shprehur gatishmëria për vazhdimin e komunikimit dhe bashkëpunimit edhe në të ardhmen, në përputhje me përgjegjësitë dhe kompetencat e institucioneve përkatëse.
/GazetaSinjali/
