Sipas një raporti të ri nga Shërbimi Detar i Kopernikut i Bashkimit Evropian (BE), Arktiku po përjeton ndryshime të shpejta ndërsa valët e të nxehtit detar kanë arritur nivele rekord në detet evropiane, transmeton Anadolu.
Sipas raportit, rritja e temperaturave të oqeaneve po shkakton ndryshime të rëndësishme në detet e botës, me pasoja për ekosistemet detare, komunitetet bregdetare dhe ekonomitë.
Raporti e identifikon Arktikun si një nga rajonet që po përjeton ndryshimet më të mëdha. Sipas të dhënave, sipërfaqja e akullit detar në Arktik u tkurr me rreth 490 mijë kilometra katrorë në dekadë gjatë periudhës 1979-2025, një sipërfaqe pothuajse sa madhësia e Spanjës.
Raporti thekson se tkurrja e akullit detar ka kontribuar në rritjen e aktivitetit të erërave dhe valëve, duke bërë që rreth 60 për qind e infrastrukturës bregdetare të Arktikut të jetë e ekspozuar ndaj erozionit dhe rritjes së nivelit të detit.
Raporti vuri në pah gjithashtu temperaturat jashtëzakonisht të larta në detet rajonale evropiane. Deti Mesdhe dhe Deti i Zi përjetuan valë rekord të të nxehtit detar në vitin 2024, me temperatura më shumë se 4,6 gradë Celsius mbi normalen.
Niveli global i detit ka vijuar të rritet, me një ritëm mesatar prej rreth 4,2 milimetra në vit që nga viti 2012. /Anadolu Agency/
