Superliga e Kosovës rikthehet sot me një përballje interesante në kuadër të javës së dytë, ku Malisheva pret Drenicën në stadiumin “Liman Gegaj”.
Ndeshja zhvillohet sot me fillim nga ora 16:30, ndërsa të dyja skuadrat synojnë rezultat pozitiv në këtë përballje.
Malisheva e ka nisur kampionatin me fitore, duke marrë tri pikë në xhiron hapëse, ndërsa Drenica në ndeshjen e parë barazoi dhe aktualisht ka një pikë. Malisheva renditet në krye të tabelës pas javës së parë, ndërsa Drenica është në mesin e tabelës.
Ndërkohë, në takimin e fundit të zhvilluar në maj, Malisheva triumfoi bindshëm 4-1 ndaj Drenicës, ndërsa sfida e marsit ishte fituar nga Drenica me rezultat 4-2.
Kështu, “Liman Gegaj” pritet të jetë sot arenë e një tjetër dueli interesant, me Malishevën që kërkon të vazhdojë startin pozitiv të sezonit dhe Drenicën që synon të befasojë vendasit. /KosovaPress/
