Janë shpallur nominimet për edicionin e 78-të të Çmimeve Emmy, duke nisur zyrtarisht garën për vlerësimet më prestigjioze të televizionit amerikan. Këtë vit, seriali dramatik “The Pitt” i HBO Max udhëheq listën me 25 nominime, duke u bërë produksioni më i nominuar i vitit.
Një nga fituesit më të mëdhenj të shpalljes së nominimeve është edhe Apple TV+, me serialet e reja “Pluribus”, “Margo’s Got Money Troubles” dhe “Widow’s Bay”, të cilat siguruan një numër të madh nominimesh në kategoritë kryesore.
Në mesin e surprizave më të mëdha është mungesa e “Euphoria” nga gara për serialin më të mirë dramatik, megjithëse yjet e tij, Zendaya dhe Colman Domingo, janë nominuar për interpretimet e tyre.
Po ashtu, seriali “Heated Rivalry” nuk u përfshi në garë pasi nuk plotëson kriteret e pranueshmërisë për Emmy, duke qenë një prodhim tërësisht kanadez. Megjithatë, aktori Conor Storey mori një nominim për paraqitjen e tij si aktor i ftuar në “Saturday Night Live”.
Në kategorinë e komedisë, pritet një duel interesant mes Jean Smart, e nominuar për “Hacks”, dhe Lisa Kudrow, e cila rikthehet në garë me “The Comeback”. Smart synon një tjetër Emmy për rolin e Deborah Vance, ndërsa Kudrow kërkon çmimin e saj të parë si aktore protagoniste, pas fitores në vitin 1998 për rolin e Phoebe Buffay në serialin “Friends”.
Kategoritë kryesore
Seriali më i mirë dramatik
The Pitt
Pluribus
The Diplomat
The Gilded Age
A Knight of the Seven Kingdoms
Paradise
Slow Horses
Your Friends & Neighbors
Seriali më i mirë komedi
Abbott Elementary
The Bear
Hacks
Margo’s Got Money Troubles
Nobody Wants This
Only Murders in the Building
Shrinking
Widow’s Bay
Seriali më i mirë i kufizuar ose antologjik
All Her Fault
The Beast in Me
Beef
DTF St. Louis
Love Story: John F. Kennedy Jr. and Carolyn Bessette
Në kategoritë e aktrimit spikasin emra të njohur si Gary Oldman, Mark Ruffalo, Sterling K. Brown, Carey Coon, Keri Russell, Zendaya, Steve Carell, Martin Short, Elle Fanning, Harrison Ford, Michelle Pfeiffer, Riz Ahmed, Oscar Isaac, Claire Danes, Carey Mulligan, Sarah Snook dhe shumë të tjerë.
Fituesit e edicionit të 78-të të Emmy Awards do të shpallen në ceremoninë që do të mbahet në muajin shtator, ku pritet të nderohen produksionet dhe interpretimet më të mira televizive të vitit./KultPlus.com
