AI hyn fuqishëm në Hollywood, Netflix e përdor në qindra filma
Kryeministri Albin Kurti ka thënë se Republika e Kosovës dëshiron të ketë bashkëpunim edhe më të ngushtë ushtarak dhe të mbrojtjes me Mbretërinë e Bashkuar. Në këtë kontekst, ai ka përmendur bashkëpunimin në fusha specifike, si bashkëzbarkimet, trajnimet dhe zhvillimin e kapaciteteve.
Kurti ka shfaqur këto aspirata gjatë një darke që për të shtroi ministri i Shtetit për Mbrojtje, Lord Vernon Coaker, në “Naval and Military Club”, në Londër.
Kjo ngjarje ishte pjesë e vizitës zyrtare që numri një i qeverisë së Kosovës po zhvillon në Mbretërinë e Bashkuar.
“Gjatë darkës, kryeministri Kurti e falënderoi Lordin Coaker për mbështetjen historike të Mbretërisë së Bashkuar ndaj Kosovës, duke përmendur në veçanti: ndihmën ndaj refugjatëve, rolin e Gjeneralit Michael Jackson në çlirim (komandantit të parë të KFOR-it në Kosovë), si dhe pas luftës në shtet-ndërtim, zhvillim dhe integrim”, thuhet në një njoftim të qeverisë. /KosovaPress/
