Bayerni me fitore dramatike, shënon golin e 100-të

Bayerni ka fituar 3:2 ndaj Freiburgut, në ndeshjen me fundin dramatik.

Të shtunën pasdite, skuadra bavareze i shënoi dy gola në minutat shtesë për fitore dramatike në kuadër të xhiros së 28-të të Bundesligës.

Johan Manzambi në minutën e 46-të dhe Lucas Holer në minutën e 71-të shënuan për epërsinë 2:0 të Freiburgut.

Por Bayerni nuk u dorëzua.

Tom Bischof shënoi për 2:1 në minutën e 81-të dhe për 2:2 në minutën e 92-të.

Ndërkohë supertalenti Lennart Karl e shënoi golin e fitores në minutën e 99-të.

Bayerni udhëheqë në tabelë me 73 pikë. I është afruar titullit e po ashtu rekordit prej 101 golave në një edicion.

Me tre golat e së shtunës, Bayerni i ka plot 100 gola këtë edicion në Bundesligë. Ndërkohë i ka pranuar 27./koha.net