ZPS: Paraqitja e provave në rastin kundër administrimit të drejtësisë s’do të zgjasë më shumë se 2 javë

Gjyqtari i vetëm, Christoph Gosnell,  në çështjen gjyqësore të Thaçit dhe të tjerëve kundër administrimit të drejtësisë, tha se në një parashtrimin me shkrim Prokuroria kishe thënë se gjyqit nuk mund të fillojë përpara se të kenë përfunduar hapat e mbetur hetimor.

Rrjedhimisht, sipas gjyqtarit, Prokuroria kishte thënë se gjykimi mund të fillojë në fillim të shkurtit 2026. Por, ai tërhoqi vërejtjen për vonesat e Prokurorisë në përfundimin e hetimeve nga se çfarë ishte parashikuar nga ana e këtyre të fundit.

Ndërsa, tani Prokurori Joshua Hafetz tha se ndryshe nga parashtrimi ‘tash mund të iu informoj se hetimet janë në përfundim e sipër’.

Prokurori tha se nga puna që po bëjnë palë të jashtme, kjo procedurë e hetimit nuk do të zgjasë më shumë se mesi i janarit

Ai tha se Prokuroria ka ngushtuar objektin e hetimit për t’u përqendruar në prova më me rendësi.

Hafetz tha se sa i takon fillimit të gjykimit, duke pasur parasysh parashtrimet, materialin hetimor pritet që ta kenë në mes të janarit.

“E kam shumë të çartë që materialin do e kemi mes të janarit. Mbase mund ta ngushtojmë edhe me tepër punën e palës së jashtme. Ajo që ka kuptim bazuar në parashtrimet e palëve është që të kuptojmë provat që kemi dhe të kuptojmë se ajo që sugjerojmë është në mes apo në fund të shkurtit”, tha Prokurori.

Prokurori pyeti gjyqtarin se a do i lejon t’i kryejnë këto hetime dhe pastaj të vazhdohet me dëshmitarin.

Gjyqtari Christoph Gosnell tha se shqetësimi i tij është se këto hetime nuk janë nën kontrollin e gjykatë duke shtuar se ka pasur vonesa dhe vlerësime jo të drejta për përfundimin e hapave hetimor.

Gjyqtari tha se Prokuroria në një parashtrim shumë më herët kishte thënë se 14 nëntori 2025 ishte një kohë e përshtatshme për kalimin e çështjes në fazën e hetimit. Rrjedhimisht, sipas prokurorit i binte që gjykimi të fillonte nga mesi i janarit.

Gjyqtari pyeti prokurorin se çfarë do të bënin ata që të mos kishin vonesa. Rrjedhimisht, me kërkesën e Prokurorisë, seanca kaloi në private.

Prokuroria thotë se paraqitja e provave kryesore nuk do të zgjasë më shumë se dy javë

Zyra e Prokurorit të Specializuar (ZPS) ka parashtruar se në çështjen gjyqësore ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit, paraqitja e provave të tyre kryesore nuk mendon se do të zgjasë më shumë se dy javë.

Gjatë prezantimit të parashtrimeve, gjyqtari i vetëm Chrisoph Gosnell tha se Prokuroria ka propozuar që të gjithë dëshmitarët e saj të dëgjohen në mënyrë të njëpasnjëshme në fillim të shkurtit 2026. Veç kësaj, në sallë u tha se Prokuroria do të mbështetet në tre dëshmitarë.

“Prokuroria ka paraqitur çështjen e tyre pra, provat kryesore, mendojnë se nuk do të zgjasin më shumë se dy javë për të paraqitur gjithë provat e tyre dhe propozon që të gjithë dëshmitarët të dëgjohen në mënyrë të njëpasnjëshme në fillim të shkurtit”, tha gjyqtari.

Gjyqtari tha se sa i takon dëshmitarit 7 kanë paraqitur sipas rregullores dokumentet që janë nxjerrë më herët dhe dëshminë e tij kryesore.

Prokurori Joshua Hafetz u pyet se a ka mundësi që dëshmia kryesore e dëshmitarit mund të ndikohet meteje nga rezultatet e hetimeve që janë vazhdim e sipër.

Prokurori tha se mund të ketë ndikim në atë duk shuar se është e vështirë të thuhet derisa t’i marrin rezultatet e hetimeve.

Po ashtu, edhe ekipet e mbrojtjes njoftuan se do të kenë pyetje për këtë dëshmitar.

Thaçi kërkon fjalën në konferencën e sotme kundër administrimit të drejtësisë, u tha se do të flasë në fund

Në Dhomat e Specializuara të Kosovës (DhSK) në Hagë ka filluar konferenca javore në çështje ndaj Hashim Thaçit, Bashkim Smakajt, Fadil Fazliut,Isni Kilajt dhe Hajredin Kuçit kundër administrimit të drejtësisë.

Ndërkohë që palët po diskutonin për mocionet dhe afatet për dorëzimin e provave gojore, Thaçi kërkoi që të flas. Ndërsa, avokatja e tij, Sophie Menegon tha se komenti i klientit të saj nuk lidhet shumë me mocionet e paraqitjes së provave.

Ndërsa, gjyqtari i vetëm në këtë rast, Christoph Gosnell tha se atij do i jepet  mundësia që të bëjë ndërhyrje por njëherë do të vazhdohet me agjendën, raporton “Betimi për Drejtësi”.

“Ju sugjeroj që të vazhdojmë me agjendën dhe z. Thaçi do iu jepet mundësia që të bëjmë një ndërhyrje në fund të seancës së sotme”, tha gjyqtari.

Ndryshe, në sallën e gjyqit janë të pranishëm fizikisht vetëm Fadil Fazliu dhe Isni Kilaj ndërsa Thaçi, Smakaj, dhe Kuçi janë të pranishëm përmes video-lidhjes. Përmes videolidhjes janë të pranishëm edhe disa nga avokatet.

Ndryshe, Hashim Thaçi ndodhet në Qendrën e Paraburgimit në Hagë që nga nëntori i vitit 2020. Ai është duke u gjykuar për krime lufte, si dhe vitin e kaluar i është ngritur aktakuza kundër administrimit të drejtësisë.

Lidhur me rastin kundër administrimit të drejtësisë, Bashkim Smakaj, Fadil Fazliu dhe Isni Kilaj u arrestuan më 5 dhjetor 2024 në Kosovë dhe u transferuan në objektin e paraburgimit në DhSK, më 6 dhjetor 2024 në bazë të aktakuzës së konfirmuar dhe fletarrestimeve të lëshuara nga Haga.

Ndërsa, Thaçit i është dorëzuar fletarrestimi në objektin e paraburgimit në Hagë më 5 dhjetor 2024, gjithnjë sipas njoftimit të DhSK-së.

Kurse, Hajredin Kuçit i është dorëzuar aktakuza e konfirmuar dhe fletëthirrja për t’u paraqitur para gjykatëses së procedurës paraprake për paraqitjen e parë, e cila u mbajt 9 dhjetor.

Sipas aktakuzës, Thaçi individualisht dhe përmes veprimeve të përbashkëta me grupet; Grupi Fazliu (Fadil Fazliu dhe FahriFazliu), Grupin Smakaj (Bashkim Smakaj, Blerim Shala dhe Artan Behrami) si dhe Grupin Kilaj (Isni Kilaj dhe VllaznimKryeziu), kanë ndjekur një model të sjelljes për të penguar personat zyrtarë në kryerjen e detyrave zyrtare.

Në aktakuzë thuhet se Thaçi ka udhëhequr dhe marrë pjesë në këto përpjekje përmes vizitave të tij në objektet e paraburgimit gjatë kohës sa ishte i paraburgosur në kuadër të gjykimit të tij për krime lufte dhe krime kundër njerëzimit.

Aty thuhet se anëtarët e Grupit Fazliu, Grupit Smakaj dhe Grupit Kilaj u koordinuan për të ndikuar në dëshmitarët e ZPS-së gjatë vizitave jo të priveligjuara të datave 2 korrik, 9 shtator dhe 6 tetor 2023.

Si rrjedhojë, ndaj Thaçit rëndojnë tri akuza për pengim të personit zyrtar në kryerjen e detyrave zyrtare, tri për shkelje të fshehtësisë së procedurës dhe katër akuza për mosbindje ndaj gjykatës.

Ndërsa, Kilaj, Smakaj dhe Fazliu akuzohen për tentativë të pengimit të personave zyrtarë në kryerjen e detyrave zyrtare dhe mosbindje ndaj gjykatës. Kurse, Kuçi i ka dy akuza për mosbindje ndaj gjykatës. Në këtë rast, Prokuroria ka dorëzuar dosjen paraprake dhe mund ta gjeni KËTU.  Po ashtu, dosjen e tij për këtë fazë të procedurës e ka dorëzuar edhe Fadil Fazliu, të cilën mund ta gjeni KËTU.  Ndërsa, atë të Thaçit KËTU. /BetimipërDrejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.